კარლო ანჩელოტიმ „ალმერიასთან“ დაპირისპირების წინ პრესკონფერენცია გამართა.

კენჭისყრა: "კენჭისყრის შედეგით კმაყოფილი ვართ. რთული მეტოქე შეგვხვდა, მაგრამ ფინალში გასვლის იმედი გვაქვს. ეს "მადრიდის რეალია", რომელიც ყველა ტიტულისთვის ბოლომდე იბრძვის...კარგი ატმოსფეროსა და გულშემატკივრების გვერდში დგომას ველით. იმედი მაქვს, რომ ყველანი ასეთი ენთუზიაზმით იქნებიან განწყობილნი. ამჟამად მე მარტო ხვალინდელ თამაშზე ვფიქრობ, ვინაიდან ლა ლიგის მოგება გვინდა და შესაბამისად აქ დარჩენილი ექვსი თამაში აუცილებლად მოსაგები გვაქვს."

"ბაიერნი": "ძალიან ძლიერი ფეხბურთელები ჰყავს. გვარდიოლა კი მსოფლიოში ერთ-ერთი საუკეთესო მწვრთნელია. ვფიქრობ კარგი თამაში გამოვა."

კრიშტიანო: "... ხვალისთვის თამაშს ვერ შეძლებს, ვინაიდან "დორტმუნდთან" ტრავმა მიიღო. აღდგენით პროცესებს გადის და ჯერჯერობით არ ვიცით, შეძლებს თუ არა თამაშს კოპა დელ რეის ფინალში. ჯერჯერობით აღდგენითი პროცესები კარგად მიდის. ყველაფერი რამოდენიმე დღეში გვეცოდინება. ექიმები ფიქრობენ, რომ კოპა დელ რეისთვის შესაძლებელია, რომ ითამაშოს, მაგრამ არ გვინდა გარისკვა. თუ ბოლომდე მზად არ იქნება, არ ითამაშებს."

მარსელო: "მან ინდივიდუალურად ივარჯიშა. ვარჯიშისას არ ქონდა პრობლემები, მაგრამ ჯერ არ გადამიწყვეტია, ითამაშებს თუ არა."

ალონსო: "ჩაბის ფიზიკური კონდიციები დამაკმაყოფილებელია.მან ყველაზე ბევრი ირბინა დორტმუნდში.ხვალინდელ პაექრობაში, მის ადგილს ილიარა დაიკავებს."