მადრიდის „რეალი“ ერთ-ერთი ყველაზე პერსპექტიული ფეხბურთელი, კვირის ბოლოს დაბრუნდება ესპანეთის დედაქალაქში.

მოგეხსენებათ, ნაოპერაციევ ჭრილობაზე ინფექციის შეჭრის გამო, როდრიგესს კიდევ ერთხელ დასჭირდა ქირურგიული ჩარევა.მადრიდელ ექიმებთან ერთად, ფეხბურთელი აუგსბურგში გადააფრინეს, სადაც უკვე მეორედ, ცნობილმა ქირურგმა იზრუნა ხესეს ჯანმრთელობის გაუმჯობესებაზე.

როგორც ცნობილია, ხესე უკვე კარგად გრძნობს თავს და მადრიდში დაბრუნების დღიდან, სარეაბილიტაციო კურსს დაიწყებს.ამჯერად, ყოველგვარი დაბრკოლების გარეშე იზრუნებს ტრავმის მოშუშებაზე და ძალისხმევას არ დაიშურებს, რომ რაც შეიძლება მალე მოირგოს „რეალის“ მაისური.

MARCA