გუშინ საბოლოოდ გაირკვა 1/2 ფინალისტების ვინაობა. ხვალ კი ცნობილი გახდება ის წყვილები, ვინც ერთმანეთს დაუპირისპირდებიან 1/2 ფინალში

1/2 ფინალური ეტაპის კენჭისყრა პარასკევს, 14:00 (თბ. დროით) საათზე აიღებს სტარტს. პირდაპირ რეპორტაჟს პირველი არხი გადმოსცემს.

"ბაიერნი" და "მადრიდის რეალი" 2012/13 წელსაც იყვნენ გასულები ჩემპიონთა ლიგის ნახევარფინალში, "მადრიდის ატლეტიკოს" უეფას ჩემპიონთა ლიგის ნახევარფინალში არასდროს არ თამაშია. ბოლოს ისინი ევროპის თასის ნახევარფინალში 1973/74 წლებში იყვნენ გასული, მაშინ მათ ნახევარფინალში "სელტიკი" დაამარცხეს, ხოლო ფინალში კი "ბაიერნთან" დამარცხდნენ.

საერთო ჯამში "ატლეტიკოსთვის" ეს მეოთხე ევროპის თასის ნახევარფინალი იქნება, მაშინ როცა "მადრიდის რეალისთვის" ეს 25-ეა საერთო ჯამში, ხოლო ბოლო წლებში კი ზედიზედ მეოთხე. მიუხედავად ამისა, "მადრიდის რეალს" ფინალში მონაწილეობა ჩემპიონთა ლიგის თასის მეცხრედ აწევის შემდეგ (2002 წელი) არ მიუღია. ისინი 2011 წელს "ბარსელონამ", 2012 წელს "ბაიერნმა" და 2013 წელს "ბორუსიამ" გამოთიშა ასპარეზობას.

კენჭისყრაზე არ იქნება ე.წ. "ერთი და იგივე ქვეყნების აცილების" პირობა გამოყენებული, შესაბამისად, შესაძლებელია, რომ ესპანური, უფრო მეტიც, მადრიდული დაპირისპირებაც ვიხილოთ 1/2 ფინალში. ასეთი რამ არ მომხდარა 1958/59 წლის შემდეგ. მაშინ "მადრიდის რეალმა" ნახევარფინალის პირველი შეხვედრა 2:1 მოიგო სახლში, ხოლო გასვლაზე კი 1:0 წააგო.

"ჩელსის" და "ბაიერნს" საკმაოდ დიდი ისტორია აქვთ დაპირისპირების. 2012 წლის უეფას ჩემპიონთა ლიგის გათამაშებაში სწორედ "ბაიერნი" დაამარცხეს თერთმეტმეტრიანი დარტყმებით ლონდონელებმა, მაგრამ ანალოგიური მეთოდით დათმეს მათთან უეფას სუპერ თასის შეხვედრა. "ბაიერნმა" "ატლეტიკო" 1974 წლის ფინალში დაამარცხა, ხოლო "რეალს" კი არც მეტი, არც ნაკლები ხუთ ნახევარფინალში შეხვდა, საიდანაც ოთხჯერ მოიგო, მათ შორის 2011/12 წლები სეზონში თერთმეტმეტრიანი დარტყმებით.

იმ შემთხვევაში, თუ "რეალი" და "ატლეტიკო" ფინალში გავლენ, ეს იქნება ერთი ქვეყნის ორი გუნდის დაპირისპირება, რომელიც უეფას ჩემპიონთა ლიგის ისტორიაში მეხუთედ მოხდება. ბოლოს ასეთი რამ წინა წელს მოხდა, როცა "ბაიერნი" და "დორტმუნდი" დაუპირისპირდნენ ერთმანეთს ფინალში.

"რეალისა" და "ატლეტიკოს" ფინალში გასვლა კიდევ უფრო გაზრდის ესპანური გუნდების მონაგარს ჩემპიონთა ლიგაზე. ესპანურ გუნდებს საერთო ჯამში 13 მოგება აქვთ, ერთით მეტი, ვიდრე იტალიელებს და ინგლისელებს. "ბაიერნის" მოგების შემთხვევაში, ეს გერმანული კლუბებისთვის მერვე იქნება, ორით მეტი, ვიდრე აქვთ ჰოლანდიურ კლუბებს.

კენჭისყრა 11 აპრილს 12:00 სთ-ზე (თბილისის დროით 14:00 სთ) დაიწყება ნიონში (შვეიცარია), რომელსაც ლუიშ ფიგუ და ჯანი ინფანტინო წარუძღვებიან.

ნახევარფინალების პირველი შეხვედრები 22/23 აპრილს გაიმართება, ხოლო განმეორებითები კი 29/30 აპრილს. ასევე კენჭისყრა გამოავლენს, თუ ვინ იქნება მასპინძლის როლში ჩემპიონთა ლიგის ფინალურ შეხვედრაში "ესტადიო დო სპორტ ლისბოა ბენფიკაზე", რომელიც შაბათს, 24 მაისს ადგილობრივი დროით 19:45 (თბილისის დროით 22:45) გაიმართება.