ჰენრიკ მხითარიანის განცხადებით მისმა გუნდმა ყველაფერი გააკეთა წარმოუდგენელი რამის ჩასადენად, თუმცა უიღბლობამ თავისი ქნა.

„ძალიან კარგად დავიწყეთ პირველი ნახევარი და 2 გოლის გატანაც მოვახერხეთ. მეორე ნახევარში უამრავი შანსი გვგქონდა, მაგრამ იკერ კასილასის კარი აუღებელი აღმოჩნდა, ყველას დავუმკიცეთ, რომ 4 საუკეთესო გუნდს შორის მოხვედრას ვიმსახურებდით, მაგრამ დასახულ მიზანს ვერ მივაღწიეთ, რის გამოც ძალიან დამწუხრებულები ვართ.“

„ბევრი ვიშრომეთ და დავამტკიცეთ, რომ ბორუსიას შეუძლებელის შეძლება შეუძლია, თუმცა იყო რაღაც, რამაც მესამე გოლის გატანის საშუალება არ მოგვცა, უამრავი შანსი გავანიავეთ.“

„მაქსიმუმი გავაკეთეთ მატჩის დამატებით დროში გადასაყვანად, სადაც მეტი შანსი გვექნებოდა, მაგრამ ვერ მოვახერხეთ, თუმცა დღეს მთელი გერმანია ამაყია იმით, რომ არსებობს კლუბი, რომელსაც BVB ჰქვია.“