როგორც მოსალოდნელი იყო, "ბარსელონას" დასჯას და მისთვის ტრანსფერების აკრძალვას, კატალონიურ პრესაში დიდი გამოხმაურება მოჰყვა. სხვადასხვა გამომცემლობის ჟურნალისტები იმასაც ვარაუდობენ, რომ ყველაფრის უკან "რუხი კარდინალი" ფლორენტინო პერესი და "მადრიდის რეალი" დგანან, მაგრამ ფაქტები სხვა რამეზე მეტყველებს.

მაგრამ ფაქტი ჯიუტია. აი რა ხდება სინამდვილეში

"მადრიდის რეალის" მესამე ვიცე პრეზიდენტი პედრო ლოპეს ხიმენესი ერთადერთი ესპანელი წარმომადგენელია ფიფას კომიტეტში, რომელიც მონაწილეობას ღებულობდა არალეგალურ ტრანსფერებთან დაკავშირებით გამართულ მოსმენაში. ეს ის მოსმენაა, რომელმაც "ბარსას" სასჯელად ტრანსფერების აკრძალვა დაუდგინა.

ლოპესმა კომისიაში მუშაობა წინა წლის ნოემბერში დაიწყო. მის დროს მოხდა "ბარსას" მიერ წინადადების წარდგენა ფიფაში, როცა კატალონიური კლუბი ითხოვდა დაეწიათ 18 წლამდე შეზღუდვები. კერძოდ, კატალონიური კლუბი ითხოვდა ასაკის ქვედა ზღვარი ევროპის ქვეყნის ფეხბურთელებისთვის 16 წლამდე დაეწიათ, ხოლო სხვა დანარჩენი მსოფლიოს ქვეყნების ფეხბურთელებისთვის კი ისევ 18 წლამდე შეზღუდვებს ემოქმედა აღნიშნულ წინადადებას მაშინ ფიფას კომიტეტის უმრავლესობამ მხარი არ დაუჭირა, ხოლო ხიმენესი კი "ბარსელონას" მხარეს დადგა და ცდილობდა მათი წინადადება გაეტანათ.