დღევანდელი საღამო საკმაოდ მნიშვნლოვანია პლანეტის საუკეთესო მოთამაშისთვის.

დორტმუნდელებთან შერკინება, რონალდუსთვის მე-100 თამაში იქნება ევროპის ყველაზე პრესტიჟულ საკლუბო ტურნირზე.მან 17 წლის ასაკში, „სპორტინგის“ რიგებიდან გაუგო გემო ჩემპიონთა ლიგას და მას შემდეგ, რეგულარულად ასპარეზობს.„მანჩესტერის“ მაისურით, თასის აღებაც კი მოახერხა და ახლა, იგივეს განმეორებას მადრიდში შეეცდება.

ჩატარებულ 99 შეხვედრაში, 63 ბურთი მოუგროვდა.შესაბამისად, 8 გოლით ჩამორჩება ტურნირის ყველა დროის საუკეთესო ბომბარდირ რაულს, ხოლო 4 გოლით მეორეადგილოსან მესის.

რაც შეეხება მიმდინარე გათამაშებას, რონალდუს ანგარიშზე 13 გოლია და მხოლოდ 1-ით ჩამორჩება არგენტინელის რეკორდს, რომელმაც რამდენიმე წლის წინ, ერთ სეზონში, ყველაზე მეტი გოლის გატანა შეძლო (14).

ამასთანავე, „ელ ფერარი“ ერთადერთი გოლეადორია, რომელმაც ჩემპიონთა ლიგის ზედიზედ 7 შეხვედრაში გამოიჩინა თავი.

MARCA