ლეგენდარული რობერტო კარლოსის განცხადებით, თუკი სამეფო კლუბი დორტმუნდის ბორუსიას დამაჯერებლად დაამარცხებს, ესპანურ ინჩადას გასული კვირა დაავიწყდება...

"დედაქალაქში დიდი დარტყმა მიიღეს, კარლო ანჩელოტის გუნდმა ჯერ ბარსელონასთან, შემდეგ კი სევილიასთან წააგო, ამან კი ის გამოიწვია, რომ ლა ლიგის ცხრილში გუნდი მესამე პოზიციაზეა განთავსებული, რაც 31-ე ტურის თავზე ამაღელვებელი რეზულტატი გახლავთ."

"ვგონებ, თუკი კარლოს გუნდი დორტმუნდის ბორუსიას დამაჯერებელი ანგარიშით დაამარცხებს, ინჩადა დაწყნარდება და წარუმატებელი ორი შეხვედრა დავიწყებას მიეცემა."

"მერენგებმა ყველაფერი უნდა გააკეთონ იმისათვის, რომ იურგენ კლოპის გუნდის ბარიერი გადალახონ და ჩემპიონთა ლიგის 4 საუკეთესო გუნდს შორის მოხვდნენ, ამისთვის მათ ყველაფერი აქვთ."

"დორტმუნდის ერთადერთი უპირატესობა პირველი შეხვედრის გასვლაზე ჩატარება გახლავთ, ყველა სხვა ასპექტში პერესის გუნდი გაცილებით უფრო ძლიერია. დედაქალაქელებს ბრწყინვალე კოლექტივი ჰყავთ, ისინი მსოფლიოს საუკეთესო ფეხბურთელებით არიან დაკომპლექტებული, გარდა ამისა არის უამრავი წვრილმანი, რომლითაც "ბლანკოსი" გერმანულ გუნდს აღემატება."