ბორუსიელთა მთავარი მწვრთნელის, იურგენ კლოპის განცხადებით გერმანული გუნდი, რომელიც შარშან ჩემპიონთა ლიგის ფინალში გავიდა, ესპანეთის დედაქალაქში წასაგებად არავითარ შემთხვევაში არ ჩავა. (კომენტარი შტუტგარტის დამარცხების შემდეგ გაკეთდა)

"მადრიდი? ჩვენ იქ მხოლოდ წარმატებისთვის მივდივართ. მოგება ძალიან კარგი იქნება, თუმცა არც ფრეზე ვიტყოდით უარს, რადგან განმეორებითი დაპირისპირება გერმანიაში გაიმართება, სადაც ჩვენ უპირობო ფავორიტები ვიქნებით."

"შემადგენლობის მხრივ გარკვეული პრობლემები ჩვენს გუნდს ბოლო დროს ხშირად აქვს, მაგრამ მთავარი მებრძოლი სულია, ჩემი ბიჭები აბსოლუტურად ყველაფერს გააკეთებენ იმისათვის, რომ მადრიდში სასურველი შედეგი დააფიქსირონ."

"ყველაზე საშიში ფეხბურთელი კრიშტიანო რონალდუ გახლავთ, მაგრამ დორტმუნდს არც ისე სუსტი დაცვის ხაზი ჰყავს, რომელიც პორტუგალიელს აუცილებლად გააკონტროლებს."

"1/4 ფინალისთვის განსაკუთრებული მზადება მიმდინარეობს, მთელ გერმანიას სჯერა ჩვენი."