როგორც იქნა, სეზონის მეორე ნაწილში, სასურველ ფიზიკურ კონდიციებში ჩადგა ბეილი.

საშობაო არდადეგების შემდეგ, უელსელმა პრინცმა დიდებულად დაიწყო ბურთაობა.საგოლე გადაცემებთან ერთად, გოლების გატანასაც არ თაკილობდა.მის ასპარეზობაში მრავლად იყო სანახაობრივი ელემენტები.აღსანიშნავია, რომ შემტევმა შესანიშნავად იასპარეზა ეროვნული ნაკრების რიგებშიც.

ყოველივე ამის გათვალისწინებით, გულშემატკივრები ძველი გარეთის დაბრუნებაზე ალაპარაკდნენ, თუმცა რამდენიმე თანაგუნდელის მსგავსად, ბოლო მატჩები თვითონაც ჩააგდო.„ტოტენჰემის“ ყოფილმა ლიდერმა, სრულიად უშედეგოთ ითამაშა „სევილიას“ წინააღმდეგ.მეტად აქტიური იყო „ელ კლასიკოში,“ თუმცა „ბარსასთან“ ნაჩვენები თამაში, მისი პოტენციალის მქონე ფეხბურთელისათვის ზღვაში წვეთია.

ასევე საგულისხმოა, რომ პრიმერა დივიზიონის ეგიდით ჩატარებულ ბოლო 5 პაექრობებში, უელსელს თავი არ გამოუჩენია.

იმედია, „რაიო ვალეკანოსთან“ დაპირისპირებაში, მის „დაბრუნებასაც“ ვიხილავთ.

MARCA