ხესე როდრიგესმა "შალკესთან" უმძიმესი ტრავმა მიიღო. გამოკვლევებმა აჩვენა, რომ საქმე მუხლის ჯვარედინა მყესების გაწყვეტასთან ჰქონდათ. ფეხბურთელს გერმანიაში ოპერაცია ჩაუტარდა და სავარაუდოდ 6 თვე იუქმებს.

"ჩვენ უმნიშვნელოვანესი ფეხბურთელი დავკარგეთ დიდი დროით. იგი გუნდის შემადგენელი ნაწილი იყო, ბიჭი რომელიც ყოველ ვარჯიშზე პროგრესირებდა და თავის ნიჭს ავლენდა. მთელი გუნდი მხარში ვუდგავართ ხესეს და იმედი გვაქვს იგი მალე დაუბრუნდება მწვანე მინდორს"– განაცხადა კარლო ანჩელოტიმ, სპეციალურად გამართულ პრესკონფერენციაზე.


როდრიგესმა ტრავმა მატჩის მეორე წუთზე მიიღო, როდესაც ახალი შეტევის წამოწყებას გეგმავდა მარჯვენა ფლანგიდან. საუბედუროდ კოლაშინაცთან ბრძოლაში, ხესე გაზონზე დაეცა და მოწინაამდეგე მთელი მასით დაეცა ფეხზე. სწორედ ამან გამოიწვია მყესების გაწყვეტა. ერთი შეხედვისთანავე ნათელი გახდა, რომ ახალგაზრდა ესპანელს საკმაოდ მძიმე ტრავმა ჰქონდა მიღებული მისი სახის გამომეტყველებით.




თანამედროვე ფეხბურთში, ჯვარედინა მყესების გაწყვეტა ყველაზე რთულ დაზიანებად ითვლება. მსგავსი რამ შეემთხვათ რადამელ ფაალკაოს და კევინ სტორტმანს, რომლებსაც მრავალი ხანი მოუწევთ უქმობა. აღნიშნული ტრავმა პირველი აღმოჩნდა ხესე როდრიგესისთვის და ძალზედ სამწუხაროა, რომ პირველადვე ასეთი სერიოზული გამოდგა დაზიანება. ტრავმები, რომლებსაც დიდი დრო სჭირდება მოსაშუშებლად, მოქმედებს ფეხბურთელის ფსიქიკაზე და მის გამძლეობას ამჟღავნებს. ესპანელ ტალანტს ისღა დარჩენია ნერვები დაიმშვიდოს, სახლში დარჩეს და გამოჯანმრთელებას დაელოდოს. ერთ-ერთმა კანადელმა ექსპერტმა, რობინ შარფმა თქვა: "ყოველი მარცხი, დიდი წარმატების საწინდარია." სწორედ ამ პრინციპით უნდა იაზროვნოს ფეხბურთელმა, მომავალს იმედის თვალით შეხედოს და წარმატებისთვის არაფერზე დაიხიოს უკან.


დასამალი არაა ის ფაქტიც, რომ ასეთ მძიმე ტრავმას, ბევრ ამბიციურ ფეხბურთელზე უმოქმედია და კარიერა დაუნგრევია ისეთებისთვის, რომლებშიც დიდ პოტენციალს ხედავდნენ და დიად მომავალს უწინასწარმეტყველებდნენ. ახლა, როდრიგესისთვის მთავარი გვერდში დგომა და მეგობრული ზრუნვაა. მან საკუთარი თავის რწმენა არ უნდა დაკარგოს. ეს ის მომენტია, როდესაც ნებისმიერ გარემოპირობას შეუძლია, ადამიანის ფსიკიაზე იმოქმედოს, ამიტომ მისთვის მხარდაჭერაა საჭირო, პირველ რიგში გუნდელების მხრიდან.


ფლორენტინო პერესი, მატჩის დასრულებისთანავე ადგა VIP ლოჟიდან და წავიდა "მადრიდის რეალის" კლინიკაში(Sanitas), ტრავმირებული ფეხბურთელის სანახავად, სადაც უსიამოვნო ინფორმაცია დახვდა და ცნობილი გახდა, რომ ფეხბურთელი 6 თვეს იუქმებდა. ცოტა ხანში პერესს ფეხბურთელებიც შეუერთდნენ, ამბის გასაგებად. მათ ხესე მოინახულეს და უთანაგრძნეს.

"მადლობას გიხდით, გვერდში დგომის და თანაგრძნობის გამოხატვისთვის. გულწრფელად მიხარია თქვენი წერილები და მადლობელი ვარ. იმედია მალე დავბრუნდები."

ბოლო პერიოდი "რეალისთვის" საკმაოდ მძიმე აღმოჩნდა. დავიწყოთ 2012/2013 წლების სეზონიდან, როდესაც არბელოას მოქნეულმა ფეხმა, კასილასის ხელი შეიწირა და 1 თვით ჩამოაშორა ფეხბურთს. სამწუხაროდ იკერს ეს 1 თვე ძალიან გაუგრძელდა და ინტენსიური ხასიათი მიიღო, მისმა სათადარიგოზე ჯდომამ. იკერის შემდეგ, უეფას ვირუსის მსხვერპლი სამი ხედირა გახდა, რომელმაც სანაკრებო ბატალიებზე უმძიმესი მუხლის ტრავმა მიიღო, რომელიც დღემდე ვერ მოიშუშა. შემდეგი არბელოა იყო, რომელმაც აგრეთვე მუხლზე დაზიანება მიიღო, თანაც საკმაოდ სერიოზული და ბოლოს ხესე, რომელსაც ძალიან არ გაუმართლა და "შალკესთან" შეხვედრა საბედისწერო გამოდგა მისთვის.


ალბათ თითოეული მადრიდისტა, გაოცებული უყურებდა ხესე როდრიგესის სტარტს წლევანდელ სეზონში.
მან მთლიანად საფეხბურთო სამყაროს ყურადღება მიიპყრო და სიყვარული დაიმსახურა. იგი თითოეულ თამაშში ახერხებდა, რაიმე ღირებულის გაკეთებას და გოლების გატანას. მან გაიტანა ისეთ ისტორიულ სტადიონებზე, როგორიც "კამპ ნოუ" და "სან მამესია" მისი სურვილი სეზონში 10 გოლის გატანა და რაულის სადებიუტო შედეგის გამეორება იყო და რომ არა უიღბლობა ის ამას შეძლებდა.

მინდა სრულიად ჰალამადრიდის სახელით, ვუსურვო გამოჯანმრთელება, კარიერული წინსვლა და იმ ოცნების ახდენა, რომელზეც თითოეული თეთრი მადრიდისტა ოცნებობს. ხესე, "რეალის" განუყოფელი ნაწილია. იგი შესანიშნავი აკადემიის, ბრწყინვალე აწმყოს და დიადი მომავლის მტკიცებულებაა!