ნური შაჰინი, რომელიც გარკვეული ხნის მანძილზე მადრიდის რეალის ფეხბურთელი იყო, ჟურნალისტებს შეხვდა და განაცხადა, რომ დორტმუნდის ბორუსიას სეზონის ყველაზე რთული დაპირისპირების ჩატარება სანტიაგო ბერნაბეუზე მოუწევს...

"ვგონებ, კარლო ანჩელოტის მადრიდის რეალთან სანტიაგო ბერნაბეუზე თამაში დიდ სირთულეებთან არის დაკავშირებული, რადგან ეს გუნდი საშინაო არენაზე გაორმაგებული ძალებით თამაშობს, მათში დიდი პოტენციალი დევს."

"მერენგებს რევანშის აღება სურთ, ლევანდოვსკის ბრწყინვალე თამაშისა და მთელი გუნდის დაუღალავი შრომის შედეგად წინა სეზონში გერმანულმა კლუბმა შეუძლებელი შეძლო და დედაქალაქური კლუბი დაამარცხა, რამაც ესპანელები ძალიან გაანაწყენა, ახლა კი მათ ბრწყინვალე შანსი მიეცათ, რომლის გამოყენებასაც ეცდებიან."

"ბლანკოსის ყველაზე ნათელი წერტილი რა თქმა უნდა კრიშტიანო რონალდუ გახლავთ, პორტუგალიელი მოთამაშე მსოფლიოს საუკეთესო ფეხბურთელია და ამას ყოველდღე ამტკიცებს, მან მიმდნარე სეზონში 10 გოლზე მეტს მოუყარა თავი, რაც პატარა შედეგი ნამდვილად არ გახლავთ."

"როგორი შედეგითაც არ უნდა დამთავრდეს გერმანულ-ესპანური დუელი, დანამდვილებით შემიძლია განვაცხადო, რომ ეს იქნება დიდი საფეხბურთო ზეიმი და გულშემატკივრებს ორი ულამაზესი შეხვედრის ნახვის საშუალება მიეცემათ."