ბუტრაგენიომ კენჭისყრის დასრულების შემდეგ კომენტარი გააკეთა.

სასურველი მეტოქე: "არასდროს არ იცი რა მოხდება. რა თქმა უნდა, უფრო რთული მეტოქეებიც იყვნენ, მაგრამ "დორტმუნდის ბორუსია" არ არის ხელწამოსაკრავი გუნდი და ეს ადრე დამტკიცდა, მიუხედავად იმისა, რომ ისინი ისეთივე ძლიერები არ არიან, როგორც წინა წელს. ჩვენ მაინც სიფრთხილე გვმართებს. განმეორებითი შეხვედრა დორტმუნდში ჩატარდება და ეს ის სტადიონია, სადაც სპეციფიკური ატმოსფერო სუფევს, ვინაიდან მათმა გულშემატკივრებმა ქომაგობა ნამდვილად იციან. დორტმუნდში კარგი შედეგით უნდა ჩავიდეთ."

ფავორიტი: "უნდა ვანახოთ ყველას, რომ მოგება შეგვიძლია. წინა სეზონში ოთხჯერ ვითამაშეთ და მაშინ მათ თავიანთი სიძლიერე დაამტკიცეს. იმედი მაქვს, რომ ნახევარფინალის კენჭისყრაზეც მომიწევს ჩამოსვლა."

კლასიკო: "ეს საკმაოდ მნიშვნელოვანი თამაშია და არამარტო სატურნირო მდგომარეობის გამო. იმედი მაქვს ფეხბურთელები მაქსიმუმს გაიღებენ და სტადიონზე მოსული გულშემატკივრების სასიამოვნოდ ყველაფერს გააკეთებენ."