მადრიდის რეალის ვიცე-კაპიტანს შეგვიძლია მისტერ ელ-კლასიკო ვუწოდოთ, რადგან მას არც ერთი დაპირისპირება არ გამოუტოვებია ბარსასთან, მას შემდეგ, რაც მადრიდის სამეფგო კლუბში გადმოვიდა.

სერხიო რამოსი მადრიდის რეალში ძალიან ახალგაზრდულ ასაკში მოვიდა, მის პროფესიონალიზმში არც-ერთ მწვრთნელს არ შეპარვია ეჭვი და მიუხედავად იმისა, რომ მისი მოსვლის შემდეგ სამეფო კლუბმა უამრავი მენეჯერი შეიცვალა, მადრიდელთა ოთხიანი ყოველთვის ძირითად შემადგენლობაში ასპარეზობდა. მის ავტორიტეტს ისიც ამაღლებს, რომ ესპანეთისა და ბლანკოსის ვიცე-კაპიტანს ლა ლიგაში გამართულ ყველა (17) ელ კლასიკოში აქვს მონაწილეობა მიღებული.

თუ ყველა ტურნირს დავითვლით, სერხიო ბარსას სულ 26-ჯერ დაუპირისპირდა. იქნებოდა ეს სამეფო თასზე, ჩემპიონთა ლიგაზე თუ სუპერ თასზე. ყველა შეხვედრას ის სასტარტო შემადგენლობიდან იწყებდა. მან მხოლოდ ორი მატჩი გამოტოვა კატალონიელებთან 2010/2011 წლებში სამეფო თასის მეოთხედფინალის პირველი მატჩი და იმავე სეზონის ჩემპიონთა ლიგის 1/2 ფინალის მეორე მატჩი.

სამეფო კლუბის ვერც ერთი ფეხბურთელი ვერ დაიტრაბახებს მსგავსი მიღწევით.


ინფორმაციის წყარო: RealMadrid.Com