ზაფხულის სატრანსფერო ფანჯარაზე, მადრიდული გრანდი განაპირა მცველის შეძენას შეეცდება.

იტალიური Tuttosport-ის ინფორმაციით, „რეალმა“ დე შილიოს დაადგა თვალი, რომელიც „როსონერიში“ გამოდის.მეტიც, „თეთრებმა“ უკვე 18 მილიონი ევრო გაამზადეს 21 წლის მოთამაშისათვის.

როგორც იცით, კლუბიდან წასვლა აქვს გადაწყვეტილი ფაბიუ კოენტრაუს, ხოლო ალვარო არბელოა ნელ-ნელა ასაკში შედის და უფრო ხშირად სტუმრობს ლაზარეთს.იტალიელს ფეხბურთელის ნატურალური ამპლუა მარჯვენა ფრთაზე მდებარეობს, თუმცა მას ასევე წარმატებით შეუძლია ასპარეზობა მარცხენა ფლანგზეც.

„ბლანკოსი“ ახალგაზრდა მცველს 5 წლიან კონტრაქტსა და წელიწადში 2.5 მლნ. ევროს შეთავაზებს.ჟურნალისტები ვარაუდობენ, რომ ანჩელოტის ფაქტორი ტრანსფერის გაჩარხვას გაადვილებს.

დიდი ალბათობით, დე შილიო „სკუადრა აძურას“ გაყვება ბრაზილიაში გასამართ მუნდიალზე.

AS