"მადრიდის რეალის" ყოფილმა ფეხბურთელმა პრედრაგ მიატოვიჩმა კლასიკოზე ისაუბრა.

"მადრიდის რეალი" ფავორიტია არა იმიტომ, რომ ქულებითაა წინ, არამედ უმაღლესი დონის ფეხბურთს თამაშობენ, მაგრამ მიუხედავად ამისა, ამ თამაშში ისინი ბოლომდე უნდა დაიხარჯონ"-განაცხადა მიატოვიჩმა ერთ-ერთ გადაცემაში კლასიკოზე საუბრისას.

"ეს დიდი თამაშია, რომელსაც თავისუფლად შეუძლია გადაწყვიტოს ჩემპიონის ბედი. ორივე გუნდი განსხვავებულ თამაშს თამაშობს. "მადრიდის რეალს" თავისი სტილი აქვს. თავიდან კლუბს უჭირდა, მაგრამ ორი თვეა, რაც კლუბმა თავისი თამაში იპოვა და ამჟამად უმაღლეს დონეზე იმყოფება"-დასძინა მიატოვიჩმა.

პრედრაგს ასევე მოსწონს "ბარსას" თამაში: " "ბარსაც" კარგად თამაშობს, რამოდენიმე თამაშისთვის არ ღირს ყურადღების მიქცევა, ვინაიდან მათ საკმაოდ ძლიერი რესურსები გააჩნიათ. ეს გუნდი შეიძლება ისე არაა მოწყურებული ტიტულებს, როგორც ადრე, მაგრამ იქ არიან ფეხბურთელები, რომლებსაც ჯერ კიდევ ბევრი აქვთ გასაკეთებელი და აუცილებელია ამის დაფასება."