კრიშტიანო პუშკაშის კვალდაკვალ

კრიშტიანო აგრძელებს "გაუმაძღარ" ნადირობას რეკორდებზე. მისი მომდევნო მსხვერპლი არც მეტი, არც ნაკლები პუშკაშია. "მალაგასთან" გატანილი გოლის წყალობით, პორტუგალიელ ფეხბურთელს ორი ნაბიჯი აშორებს უნგრელი ფეხბურთელის მაჩვენებლამდე. პუშკაშმა 261 შეხვედრაში 242 გოლი გაიტანა, რაც საშუალოდ 0,93 გოლს შეადგენდა ერთ თამაშში. ამ დროს კი რონალდუს ანგარიშზე უკვე 240 გოლია 235 შეხვედრაში. გარდა ამისა, აღსანიშნავია, რომ პუშკაშმა 242 გოლიან ნიშნულს რვა სეზონის მანძილზე მიაღწია, ხოლო რონალდუს კი ამისთვის მხოლოდ და მხოლოდ 5 სეზონი დასჭირდა.

გადაასწრებს რა პუშკაშს, რონალდუ კლუბის ისტორიაში მეოთხე ყველაზე გამტანი ფეხბურთელი იქნება. მისი შემდეგი მეტოქეები კი იქნებიან რაული (323), დი სტეფანო (307) და სანტილანა (290)

პორტუგალიელმა ეს სეზონი , როგორც კლუბის ისტორიაში მეექვსე ყველაზე გამტანმა ფეხბურთელმა დაიწყო, ხოლო სექტემბრის თვეში "ხეტაფესთან" ორი გოლის გატანის შემდეგ უგო სანჩესის მიღწევა დაამხო და მეხუთე პოზიციაზე გადაინაცვლა. თუ გავითვალისწინებთ მის მოქმედ კონტრაქტს და საშუალო გოლების რიცხვს ერთ სეზონში, პორტუგალიელი ფეხბურთელი პირველ ადგილზეც შეძლებს ასვლას.