"ბარსელონას" შვედი ფორვარდი ზლატან იბრაჰიმოვიჩი დარწმუნებულია, რომ მისი გუნდი გაიმარჯვებს კვირას "ელ კლასიკოში" და ასევე არ ეპარება ეჭვი, რომ ბევრი გატანილი გოლიც იქნება.

"ჩვენ შესანიშნავ ფეხბურთს ვაჩვენებთ და ასევე გულშემატკივარიც დაგვეხმარება. ამიტომ ვთვლი, რომ ძლიერები ვართ. ოპტიმისტურად ვარ განწყობილი და დარწმუნებული ვარ გამარჯვებაში" – აცხადებს იბრაჰიმოვიჩი.

"შანსები? არ ვიცი, მაგრამ ისევე უნდა ვითამაშოთ, როგორც აქამდე. ეს იქნება თამაში ბევრი გოლებით, რადგან ორივე გუნდს უყვარს არამარტო ერთი გოლის, არამედ ბევრი გოლის გატანა. მე ბევრი კარგი დაპირისპირება მინახავს, მაგრამ "ბარსელონა"–"რეალი" საუკეთესო სანახაობაა მსოფლიოში. ამიტომ ვამაყობ, რომ "ბარსელონას" ფეხბურთელი ვარ. აქ საუკეთესო ფეხბურთელები ასპარეზობენ და ყველას არ შეუძლია ითამაშოს ჩვენთან. ბევრი საუბარი მიდის ამ მატჩის შესახებ და მოუთმენლად ველი მის დაწყებას" – განაცხადა ზლატანმა.


ინფორმაციის წყარო: Marca.com