ევროლიგაზე განცდილი მარცხის შემდეგ, „თეთრებმა“ გამარჯვებათა სერია გააგრძელეს „ენდესა“ ლიგაზე.

ესპანეთის ჩემპიონატის 23-ე ტურში, პაბლო ლასოს შეგირდებმა 23-ე მოგება იზეიმეს.მადრიდელებმა საკუთარ კედლებში „მურსია“ მიიღეს და 37 ქულიანი სხვაობით ძლიეს მეტოქეს - 102:65.

როგორც ჩანს, გერმანიაში წაგებამ ძალიან იმოქმედა დედაქალაქელებზე, რამეთუ განვლილ დაპირისპირებაში, ორმაგად მონდომებულნი და მოტივირებულნი გამოიყურებოდნენ.ისინი თამაშის დასაწყისიდან ბოლომდე, დომინირებდნენ პარკეტზე.

საბედნიეროდ, „ბიაერნთან“ მიღებული დაზიანება სერიოზული არ აღმოჩნდა რუდისთვის, რომელმაც საშინაო შეხვედრაში მოგროვებულ 21 ქულას, თამაშის ყველაზე ღირებული კალათბურთელის წოდებაც მიუმატა.

ამასთანავე, შესანშნავად იასპარეზეს ბურუსისმა (14 ქულა და 8 მოხსნა) და მიროტიჩმა (12 ქულა და 6 მოხსნა).

მადრიდელთა მონაგარი: ლული (15), რუდი (21), დარდენი (0), მიროტიჩი (12) ბურუსისი (14); მარტინი (-), სლოტერი (7), სერხიო როდრიგესი (11), მეხრი (8), დიესი (8) და ბარეირო (3).

„ენდესა“ ლიგის სატურნირო ცხრილი: