მალაგელთა მეკარის, ვილი კაბალიეროს განცხადებით მისი გუნდი მზად არის საბრძოლველად და ყველაფერს გააკეთებს კარლო ანჩელოტის შეგირდების დასამარცხებლად...

"ვიცით, რომ ურთულესი მატჩი გველის, ფლორენტინო პერესმა რეალში მსოფლიოს საუკეთესო და ყველაზე ძვირადღირებულ ფეხბურთელებს მოუყარა თავი, მაგრამ ჩვენ ამის არ გვეშინია და ვთვლით, რომ თუ მოედანზე გამარჯვებულის მენტალიტეტით გავალთ წარმატების მიღწევის შანსი გაორმაგდება."

"გაბედული თამაში უნდა ვაჩვენოთ და ყველა ღონე გამოვიყენოთ იმისათვის, რომ მეტოქის კარის აღება მოვახერხოთ."

"მერენგების შემადგენლობაში დიდებული ფეხბურთელები გამოდიან, თუმცა მერწმუნეთ ჩვენ შეგვიძლია მათთან თამაში და 3 ქულის მოპოვება, სახელებმა არ უნდა დაგვაბნიოს."

"ისკო ბრწყინვალე ფეხბურთელი გახლავთ, მას მალაგასთვის ბევრი რამე აქვს გაკეთებული, თუმცა ამ ეტაპზე "ბლანკოსის" ფორმას მოირგებს, მას მხოლოდ წარმატებულ თამაშს ვუსურვებ."