თუ "მადრიდის რეალი" და "ბარსელონა" 1/4 ფინალში ერთმანეთს შეხვდებიან, მაშინ 25 დღიან ინტერვალში შეგვიძლია 4 კლასიკოს მომსწრნენი გავხდეთ.

ჩემპიონთა ლიგის 1/4 ფინალური ეტაპის კენჭისყრა 21 მარტს გაიმართება. თუ კენჭისყრაზე "მადრიდის რეალი" და "ბარსელონა" გახდებიან ერთმანეთის მეტოქეები, მაშინ გულშემატკივრებს ექნებათ საშუალება 25 დღიან ინტერვალში ერთბაშად 4 კლასიკო იხილონ.

პირველი კლასიკო ლა ლიგის 29-ე ტურში 23 მარტს გაიმართება "ბერნაბეუზე"

მას შემდეგ, რაც "ბარსელონა" 1/4 ფინალში გავიდა, ხოლო "მადრიდის რეალის" 1/4 ფინალში გასვლა მხოლოდ ფორმალობის საკითხია, შანსი არსებობს, რომ ეს გუნდები 1/4 ფინალში ერთმანეთს დაუპირისპირდნენ. ამ შემთხვევაში აპრილის თვის დასაწყისში ორი კლასიკოს მომსწრენნი გავხდებით.

რაც შეეხება მეოთხე კლასიკოს, ის 16 აპრილს "მესტალიაზე" გაიმართება და ამ შემთხვევაში უკვე სამეფო თასის ფინალში დაუპირისპირდებიან მოსისხლე მტრები ერთმანეთს.

მოკლედ, წინ დაძაბული დღეები გველის.