ფერგიუსონის წასვლის შემდეგ რობინ ვან პერსი უკმაყოფილოა მანჩესტერში განვითარებული მოვლენებით. კერძოდ ჰოლანდიელს მოიესის სავარჯიშო სისტემა და მეთოდი არ მოსწონს. ბრიტანული გამომცემლობები აქტიურად საუბრობენ, რომ მანკუნიანელთა 20-იანი კლუბს ზაფხულში დატოვებს.

კონტრაქტის თანახმად ვან პერსის შეუძლია დატოვოს მანჩესტერი იმ შემთხვევაში, თუ გუნდი ჩემპიონთა ლიგაზე ვერ გავა. წითლები ვალდებულნი არიან განიხილონ ნებისმიერი წინადადება ფეხბურთელის შეძენის შესეახებ და მისაღები შემოთავაზების შემთხვევაში დათანხმდნენ მას.

დღემდე ვრცელდებოდა ხმები, რომ რობინს ლონდონის არსენალში დაბრუნება სურდა და მისი აგენტი ვენგერსაც შეხვდა, თუმცა არსენმა ხმამაღლა განაცხადა, რომ არ სურს თავდამსხმელის დაბრუნება.

ახლა კი ვრცელდება ხმები, რომ მადრიდის რეალი მზად არის შეიძინოს ჰოლანდიელი ფორვარდი. გამომდინარე იქიდან, რომ მანჩესტერული კლუბი დაინტერესებულია ალვარო მორატას შეძენით, არ არის გამორიცხული, შედგეს ბარტერი.