ბრაზილიელი კაკა თვლის, რომ კრისტიანო რონალდოს "ელ კლასიკოში" თამაში მნიშნელოვანი მომენტია გუნდისთვის.

კაკა მოუთმენლად ელოდა კრისტიანოს დაბრუნებას. ჩემპიონთა ლიგაზე "ციურიხთან" მატჩში ეს მოხდა – რონალდომ ითამაშა. ფაქტიურად ორი თვე მან ლაზარეთში გაატარა ტრავმის გამო.

"ჩვენ შევძლებთ უფრო კარგად თამაშს, როცა რონალდო მოედანზეა. თავისი დაბრუნებით გუნდი უფრო გაამხნევა და ბიძგი მოგვცა ყველას".

კაკამ განაცხადა, რომ კრისტიანოსთან ერთად მოედნის გარეთაც მეგობრობს.

"ჩვენ ვმეგობრობთ ცხოვრებაშიც.მთელმა მსოფლიომ იცის, რომ რონალდო არაჩვეულებრივი ფეხბურთელია, მაგრამ ცოტამ იცის, რომ ის კარგი მეგობარიცაა".

პორტუგალიელმა უნდა ითამაშოს "ელ კლასიკოშიც".

"ეს იქნება ლამაზი თამაში. თანაგუნდელებმა მითხრეს, რომ ეს არ ჰგავს სხვა რიგით თამაშს. ჩემთვის ძალიან საინტერესო იქნება ასეთ მატჩში მონაწილეობის მიღება. იმედია კარგად ვითამაშებ. საერთოდ ასეთ შეხვედრებში ფავორიტი არ არსებობს. "ბარსელონა" ძლიერი და სახიფათო გუნდია. მათ შემადგენლობაში ძლიერი მოთამაშეები არიან, მაგრამ ჩვენ უნდა ვითამაშოთ ჩვენი ფეხბურთი, რადგან მადრიდის "რეალი" ვართ. ჩვენ უნდა ვდომინირებდეთ" – განაცხადა კაკამ.


ინფორმაციის წყარო: Goal.com