პრემიერ ლიგის გუნდებმა ნამდვილი ბრძოლა გააჩაღეს მორატასთვის.

„არსენალისა“ და „ტოტენჰემის“ შემდეგ, ახალგაზრდა თავდამსხმელის შესაძლებლობებით „წითელი ეშმაკუნებიც“ დაინტერესდნენ.როგორც ჩანს, აღნიშნული გუნდების თავკაცები ფიქრობენ, რომ ესპანელი იდეალურად მოერგება ინგლისურ ფეხბურთს.

დიდი ალბათობით, ზაფხულში, ალვაროც დაფიქრდება საკუთარ მომავალზე და კლუბთან შეთანხმებით, მადრიდის ფარგლებს გასცდება.სამწუხაროდ, ანჩელოტის ფორმაციის გუნდში, კანტერანოსი ისე ვერ ავლენს საკუთარ პოტენციალს, როგორც ესპანეთის 21 წლამდელთა ნაკრებში, სადაც ბომბარდირის სტატუსი აქვს მოპოვებული.შესაბამისად, „თეთრები“ მორატაში ვერ ხედავენ ბენზემას პოტენციუr შემცვლელს და მის სარფიანად გაყიდვაზე დაფიქრდებიან.

ამას ისიც ემატება, რომ ფეხბურთელს 2015 წლის ზაფხულში ეწურება მოქმედი კონტრაქტი.აქედან გამომდინარე, „რეალმა“ უახლოეს მომავალში უნდა გადაწყვიტოს მისი საკითხი, წინააღმდეგ შემთხვევაში, ალვარო თავისუფალი აგენტი გახდება.

MARCA