"ბარსელონას" ბრაზილიელმა მცველმა დანიელ ალვეშმა გაბრაზება გამოხატა იმ ფაქტთან დაკავშირებით, რომ მადრიდის "რეალი" პირველ ადგილზეა. მისი თქმით, კვირის მატჩში ყველაფერი თავის ადგილზე დადგება.

კვირას გაიმართება მეთორმეტე ტურის ცენტრალური მატჩი არამარტო ლა ლიგაში, არამედ მთელი მსოფლიოს მასშტაბით. ერთმანეთს დაუპირისპირდებიან "ბარსელონა" და მადრიდის "რეალი". მატჩის წინ პრესის წარმომადგენლები გაესაუბრნენ კატალონიელთა 26 წლის ბრაზილიელ მარჯვენა მცველ დანიელ ალვეშს.

"მე ვიტყვი იმას, რომ "რეალს" ძალიან არ გაუმართლა, რადგან ჩვენ ყველანი გაბრაზებულები ვართ იმით, რომ "რეალი" შემთხვევით ლიდერობს ლა ლიგას. ვფიქრობ, კვირის მატჩი ყველაფერს თავის ადგილზე დააყენებს".

"რა თქმა უნდა შანსები მადრიდელებსაც აქვთ და რთული მატჩიც იქნება, მაგრამ დარწმუნებული ვარ, რომ ესპანეთის ჩემპიონები სწორედ ჩვენ გავხდებით" – განაცხადა ალვეშმა.


ინფორმაციის წყარო: Goal.com