„რეალის“ ანდალუსიელი მცველისათვის, დღის წესრიგში, კვლავ გაფრთხილების მიღება დგას.

მოგეხსენებათ, მადრიდული დერბის გამართვამდე 2 თამაშით ადრე, „ხეტაფესთან,“ რამოსი ცდილობდა მეხუთე ყვითელის აკიდებას, რათა მშვიდად შეხვედროდა თანაქალაქელებთან მნიშვნელოვან ჯახს, თუმცა მიუხედავად „აქტიურობისა,“ მსაჯმა „ოთხიანი“ არ დასაჯა და შესაბამისად, ანჩელოტიმ „ელჩესთან“ დაასვენა შეგირდი, რათა თავიდან აერიდებინა გართულებები.

დღევანდელ პაექრობაში, რომელიც „სანტიაგო ბერნაბეუზე“ „ლევანტეს“ წინააღმდეგ შედგება, სერხიომ მეტი უხეშობა უნდა გამოიჩინოს და არბიტრისგან ბარათი დაიმსახუროს, რამეთუ „თეთრებს“ „ელ კლასიკო“ მოადგათ კარს.

თუ ყველაფერი გეგმის მიხედვით წარიმართა, ესპანელი მცველი „მალაგასთან“ არ გამოვა მოედანზე და სრულ მზადყოფნაში შეხვდება 23 მარტის შერკინებას.

MARCA