ვალენსიური კლუბის გამოცდილი მცველის, ხუანფრანის განცხადებით, კარლო ანჩელოტის გუნდი დღესდღეობით საუკეთესო ფორმაშია და ევროპაში თავისუფლად შეუძლია დომინირება...

"ურთულეს მატჩს ველი, რადგან ჩვენ წინაშე მადრიდის რეალი წარსდგება, თანაც ისინი ბერნაბეუზე იასპარეზებენ, სადაც ყოველთვის ფავორიტები არიან."

"სასურველი შედეგის მისაღწევად დიდი ძალისხმევა გვმართებს, მაგრამ ლევანტეს არაერთხელ დაუმტკიცებია, რომ მოულოდნელი რეზულტატის დაფიქსირება ყოველთვის შეიძლება."

"ალბათ არავის სჯერა, რომ ჩვენი გუნდი კარლოს კოლექტივს მათსავე მოედანზე დაამარცხებს, მაგრამ ჩვენ ოპტიმისტები ვართ და ყველაფერს გავაკეთებთ გასამარჯვებლად."

"აუცილებლად უნდა აღინიშნოს ის ფაქტი, რომ "ბლანკოსი" სამ ფრონტზე იბრძვის და თანაც საკმაოდ წარმატებით, ეს კი ფეხბურთელების ფიზიკურ კონდიციაზე უდიდეს ზეგავლენას ახდენს. ამასთანავე არ უნდა დავივიწყოთ ეროვნული ნაკრებები, სადაც მადრიდელთა უპირატესობა ასპარეზობს, თანაც სასტარტო შემადგენლობაში, ეს იტალიელი სპეციალისტისთვის დამატებითი თავსატეხი გახლავთ."

"მადრიდელთა უდავო ლიდერი რა თქმა უნდა კრიშტიანო რონალდუ გახლავთ, მის წინააღმდეგ განსაკუთრებული ყურადღებით უნდა ვიასპარეზოთ, თუმცა აუცილებლად გასახსენებელია ჩაბი ალონსო, რომელსაც მსოფლიოს საუკეთესო ნახევარმცველად მივიჩნევ, მისნაირი ჭკვიანი მოთამაშეები არც ისე ხშირად იბადებიან."