ანჩელოტის შეგირდები პრიმერას მატჩისთვის ემზადებიან.

დღევანდელ ვარჯიშზე, იტალიელს კვლავ განახევრებულ შემადგენლობასთან მოუწია მუშაობა.ალონსოს, კასილიასისა და მოდრიჩის გარდა, სანაკრებო ბატალიებში მონაწილე ფეხბურთელები, ხვალ განაახლებენ ვარჯიშს.

მაშასადამე, განვლილ სესიაზე, ალონსო, მოდრიჩი, კარვახალი, მორატა, ხესე, ნაჩო, ილიარა, კაზემირო, ლოპესი, კასილიასი და ხესუსი იყვნენ იტალიელის განკარგულებაში.ისინი ბურთთან ერთად და მის გარეშე, სხვადასხვა დავალებებს ასრულებდნენ.

შეგახსენებთ, რომ „ღამურებთან“ პაექრობა, კვირას (9 მარტს), თბილისის დროით 22 საათზე დაიწყება.