ხაბი ალონსომ ინტერვიუ მისცა "Realmadrid.com"_ს, სადაც ისაუბრა მოახლოებულ სუპერ კლასიკოზე...

ყველაზე კარგად რომელი კლასიკო გახსოვთ?

ბევრი საინტერესო მატჩი მახსოვს, მაგრამ ყველაზე კარგად რაულის გაბრწყინება კამპ ნოუზე და მძიმე ტრავმაც. ასევე შესანშნავი იყო ზიდანის ბრწყინვალე თამაში ლიგის ნახევარფინალებში. ულამაზესი გოლები აქვთ მადრიდისტებს გატანილი, მათ შორის ყველაზე ძალიან ჟულიო ბაპტიშტას გოლი მახსოვს მარჯვენა ცხრიანში. სუპერ კლასიკო ყოველთვის დასამახსოვრებელი და მომაჯადოვებელია. ახლა კი ჩემი კარგი თამაშის იმედი მაქვს ბარსელონაში.

მამათქვენმა რაიმე რჩევა ხომ არ მოგცათ?

იგი დიდი ყურადღებით ადევნებს თამაშებს თვალს და ამ დაპირისპირებასაც სიამოვნებით უყურებს. მას რამოდენიმეჯერ აქვს ნათამაშები სუპერ კლასიკოში "ბარსელონას" შემადგენლობაში ყოფნისას და რა თქმა უნდა მომცა რჩევები.

ის თავის ყოფილ კლუბს ხომ არ უგულშემატკივრებს?

არა! დარწმუნებული ვარ მე დამიდგება გვერდით და მხარსაც დამიჭერს.

თქვენ ნათამაშები გაქვთ კამპ ნოუზე... რომელი იყო ყველაზე დასამახსოვრებელი თამაში?

კარგი მოგონებები მაკავშირებს "რეალ სოსიედადში" როდესაც ვთამაშობდი, რამდენჯერმე დამარცხებული გვყავს "ბარსა" თავის მოედანზე, მაგრამ ბოლო შეხვედრა წავაგეთ. მე ასევე ვთამაშობდი "ლივერპულში", ჩვენ ბოლოს კატალონიაში 1–2 ვიმარჯვეთ ჩემპიონთა ლიგის მე–16 ფინალში, ეს მართლაც ფანტასტირუი მატჩი იყო...

რას გვეტყვით კამპ ნოუზე?

მოწინააღმდეგე თავს ვერ გრძონბს კომფორტულად, რადგან გულშემატკივარი შესანიშნავია კამპ ნოუზე, ისინი მთელი შეხვედრის განმავლობაში მხარს უჭერენ საყვარელ გუნდს. ჩემს გუნდს კარგი შანსი აქვს გაიმარჯვოს მეტოქის სტადიონზე, მაგრამ ეს ურთულესი ამოცანაა.

როგორ ფიქრობთ მესი ითამაშებს კლასიკოში?

დიახ, მე მგონი ითამაშებს, მე ეს ძალინ მინდა, რადგან არ მიყვარს ფეხბურთელი ტრავმით, რომ იტანჯება და სასურველ შეხვედრას ვერ თამაშობს.

უმნიშვნელოვანესია არა არგენტინელი "ბარსელონასთვის"?

მესი არის გუნდის ხერხემალი, მის გარეშე "ბარსა" სრულიად განსხვავებულია. კატალონიელების წარმატების თავი და თავი ლიონელ მესია.

მესი თუ რონალდო?

მე არასდროს არ მითამაშია არგენტინელის გვერდით და ამიტომაც რონალდოს ავირჩევ. პორტუგალიელი უმნიშვნელოვანესი ფიგურაა ჩვენი გუნდისთვის.

რომელ კატალონიელ ფეხბურთელს იცნობ ყველაზე კარგად?

იმათ ვინც ნაკრებში ასპარეზობენ. ხავი, ინიესტა და პუიოლი ჩემი საუკეთესო მეგობრები არიან, მათთან ერთად მრავალი წელია ვთამაშობ. ბუსკეცი და პიკეც კარგი ბიჭები არიან, მაგრამ მათ კარგად არ ვიცნობ...

გუშინ კასილასმა აქო და ადიდა ხავი–ინიესტას წყვილი, რას ფიქრობთ შეგიძლიათ მათი შეჩერება?

ეს ორი მოთამაშე გუნდის ბირთვია, მათი შეჩერება ურთულესია, მაგრამ არამგონია შეუძლებელი იყოს. მათ მსოფლიოში საუკეთესოდ შეუძლიათ ბურთის დაჭერა ნახევარდაცვის ცენტრში.

ეს მატჩი გადამწყვეტი იქნება?

ეს იქნება უმნიშვნელოვანესი, მაგრამ არა გადამწყვეტი. სამი ქულის დაკარგვა ან მოპოვება სეზონის წარმატებით დასრულებას არ ნიშნავს. ამ თამაშის გარდა კიდევ ბევრი შეხვედრა გვაქვს გასამართი...

სუპერ კლასიკოს მსგავსი არსებობს მსოფლიოში?

ყველა შეხვედრას თავისი ხიბლი აქვს. ისევე როგორც ესპანეთში, ინგლისშიც მრავალი დიდი დაპირისპირებაა... ამის მიუხედავად ბარსა–რეალი ყველაზე საინტერესოა.


ინფორმაციის წყარო: Realmadrid.Com

ავტორი: Kevlisha