ლონდონის „ჩელსის“ მოქმედმა დამრიგებელმა ჟოზე მოურინიომ, ერთ-ერთ ჟურნალთან საუბრისას დასძინა, რომ თანამედროვე ფეხბურთელები გამდიდრებაზე უფრო არიან ორიენტირებულნი, ვიდრე სპორტულ შედეგებზე.

„ჩემი აზრით, მოთამაშეების უმრავლესობა, კარიერის განმავლობაში ფულის კეთებაზე ფიქრობს, რათა როდესაც ბუცებს ჩამოკიდებს ლურსმანზე, უკვე მდიდარის სტატუსით ისარგებლოს.რაც ყველაზე მთავარია, მათ ასეთ მდგომარეობას, ირგვლივ მყოფი ხალხი უწყობს ხელს, რომლებიც კონტრაქტს უფორმებენ ფეხბურთელს, რომელსაც არ უთამაშია პრემიერ ლიგაში არცერთი მატჩი და არ იცის ჩემპიონთა ლიგის მნიშვნელობა.“

„წლების განმავლობაში, სამეფო კლუბის ფეხბურთელები მოედანზე გასვლამდე სარკეს ვერ სცილდებოდნენ, რა დროსაც, მსაჯები მათ „გვირაბში“ ელოდებოდნენ.“

„აქედან გამომდინარე, მაქსიმალურად ვცდილობ, რომ ახალგაზრდა მოთამაშეებს სწორი ორიენტაცია მივცეთ, რათა მათ მაგალითი აიღონ ისეთი ადამიანებისგან, როგორებიც ლამპარდი და ტერი არიან.“

MARCA