დიეგო კოშტამ ესპანელ ჟურნალისტებს ვრცელი ინტერვიუ მისცა, სადაც მის ნაკრებში გამოძახებასთან დაკავშირებით ისაუბრა, იგი ასევე შეეძლო საკლუბი საკითხებსაც და განაცხადა, რომ "როხიბლანკო" არცერთ ევროპულ გუნდს არ ჩამოუვარდება...

"ჩვენ შესანიშნავად ვასპარეზობთ ლა ლიგაში, რადგან უდიდესი შრომა გავწიეთ, ვარჯიშებზე ბოლომდე ვიხარჯებით და პრიმერას თასს ნამდვილად ვიმსახურებთ. არ ვთვლი, რომ კატალონიის ბარსელონა ან მადრიდის რეალს ჩვენ რამით აღგვემატება, თანაც ჩვენ მათთან ორთაბრძოლებში კარგი შედეგები ვაჩვენეთ და კიდევ ერთხელ დავანახეთ ყველას, რომ მადრიდს ერთი გუნდი არ ჰყავს და ატლეტიკო რეალს არაფრით ჩამოუვარდება."

"შიდა ჩემპიონატში პირველობისთვის ვიბრძვით, ჩემპიონთა ლიგის 1/8 ფინალში ისეთი გუნდის დამარცხება მოვახერხეთ, როგორიც იტალიური მილანი გახლავთ, რომელსაც მხრებზე უდიდესი გამოცდილება აწევს, თანაც ისინი მასპინძლები იყვნენ, მეორე პაექრობა კი ვისენტე კალდერონზე გაიმართება, სადაც ნებისმიერ გუნდთან ფავორიტი ატლეტიკო გახლავთ."

"სერხიო რამოსი შესანიშნავი ადამიანია, ჩვენ საკლუბო დონეზე მუდმივად ერთმანეთს ვებრძვით, მაგრამ ნაკრებში კარგი ურთიერთობა გვაქვს და ერთი მიზნისთვის ვართ გაერთიანებულნი."