მადრიდის ატლეტიკოს ფეხბურთელის, არდა თურანის განცხადებით, მისი გუნდი საკუთარ მოედანზე ფავორიტია და რეალი კალდერონზე მეორე ნომრად ითამაშებს...

"ვინ არის ფავორიტი დერბიში? რა თქმა უნდა "როხიბლანკო", რადგან ჩვენ საკუთარ მოედანზე ვთამაშობთ, სადაც გულშემატკივართა მხურვალე მხარდაჭერას ვგრძნობთ."

"არაერთხელ დავამტკიცეთ, რომ სამეფო კლუბის დამარცხება შეგვიძლია, აქედან გამომდინარე არც ახლა იქნება გასაკვირი თუ გამარჯვებულები დავრჩებით, ყველაფერს გავაკეთებთ იმისათვის, რომ სტუმრებს ჩვენი თამაში მოვახვიოთ თავს და დამაჯერებლად დავამარცხოთ."

"არანაირი შიში არ არსებობს, ძალიან კარგად ვიცით, რომ ანჩელოტის განკარგულებაში მსოფლიო დონის ვარსკვლავები ჰყავს, თუმცა საბრძოლველად მზად ვართ."

"სიმეონე დიდებული ადამიანი და მწვრთნელია, იგი დეტალურად სწავლობს თითოეული მოწინააღმდეგის სისუსტეებსა და ძლიერ მხარეებს, სწორედ ეს არის მისი წარმატების საიდუმლო, მას ასევე ფეხბურთელებთან ურთიერთობის ბრწყინვალე ნიჭი აქვს."

"ატლეტიკოს ბარსელონას და რეალისგან ბევრი რამის სწავლა შეუძლია, თუმცა ჩვენ მათგან შესაშური აბსოლუტურად არაფერი გვაქვს."