ბოლო ორი თამაშია ბეილი "რეალის" შემადგენლობაში ბრწყინავს. "ელჩესთან" მატჩში ალბათ ყველას ახსოვს მისი ყუმბარისებული გოლი, რომელმაც 100კმ/სთ გადააჭარბა. არაა გამორიცხული ეს გოლი წლის საუკეთესო გოლის ნომინაციაში იქნეს წარდგენილი. ხოლო ბოლო თამაში, რომელიც სულ რამდენიმე დღის წინ გაიმართა გელზერკინხენში, ბეილმა ორი გოლი და ერთი ასისტი მიითვალა.

მისი სტატისტიკა გასაოცარია იმის ფონზე, რომ მას თითქმის თამაშების ნახევარი გაუცდა. გარეტმა წლევანდელ სეზონში 14 გოლის გატანა შეძლო( 10 ლა ლიგაში, 4 ჩემპიონთა ლიგაზე) და მისი ასისტები, რომელიც ასე ადგება გუნდს.

უელსელისთვის პირველი დერბი ერთობ წარუმატებელი გამოდგა, რადგან მას ტკივილების თანხლებით უწევდა თამაში, რამაც დაღი დაასვა მის პირევ გამოსვლას "ატლეტიკოს" წინააღმდეგ. მთელი თამაშის განმავლობაში მან ვერაფერი ვერ მოუხერხა ფელიპე ლუისს, რის გამოც ანჩელოტიმ შეცვალა კიდეც. დღევანდელი გადმოსახედიდან სიტუაცია რადიკალურად განსხვავებულია. ბეილი ფიზუკურად 100% მზადაა, ამას ისიც ემატება, რომ "რეალის" შემტევი ტრიო(ბენზემა, რონალდო, ბეილი) უკვე უსიტყვიდ უგებენ ერთმანეთს და ნებისმიერი გუნდისთვის მომაკვდინებელ ძალას წარმოადგენენ. ფაქტი ერთია "ატლეტიკოს" დაცვას კარგი დღე ნამდვილად არ ელის.