რონალდუ გუნდს 2009 წლის ზაფხულში შეუერთდა სარეკორდო თანხად, რომელიც 94 მილიონმა ევრომ შეადგინა და გახდა ყველაზე ძვირადღირებული ტრანსფერი. პორტუგალიელის სახით "ბერნაბეუმ" უდიდესი დამრტყმელი ძალა შეიძინა. რონალდუმ თავის საუკეთესოობა 2013 წელს დაამტკიცა და მსოფლიოს საუკეთესო ფეხბურთელი გახდა.

"მადრიდის რეალის" ყოფილი პრეზიდენტი, რამონ კალდერონი აცხადებს, რომ სერ ალექს ფერგიუსონი მოუწოდებდა რონალდუს, კლუბის დატოვების შემთხვევაში, კატალონიაში წასულიყო. ეს მისთვის უფრო ხეირიანი იქნებოდა, მაგრამ პორტუგალიელმა უარი განაცხადა.

"ბარსელონა მაშინ ევროპულ სარბიელზე პირველი იყო, მაგრამ რონალდუმ უარი განაცხადა და თქვა – "მე არცერთ გუნდშიარ გადავალ, რეალის გარდა."


სწორედ პორტუგალიელის გადაწყვეტილებით მიიღო მანჩესტერმა 80 მილიონი ფუნტი, "რეალმა" უდიდესი ფეხბურთელი, ხოლო თავად პორტუგალიელმა საყვარელ კლუბში გადასვლის ბედნიერება. კალდერონმა განაცხადა, რომ მხოლოდ 3–4 კლუბი არსებობს ისეთი, რომელსაც რონალდუს სურვილების და ამბიციების ასრულება შეუძლია.

"რონალდუს, ამბიციები და დიდებისკენ სწრაფვა დაეხმარა იმაში, რომ გამხდარიყო ისეთი, როგორიც დღესაა. იგი ყოველთვის საუკეთესობისთვის და პირველობისთვის იბრძვის. ცოტაა ისეთი კლუბი, რომელსაც რონალდუს მოთხოვნილებების დაკმაყოფილება შეუძლია."




წყარო: Goal.com