გერმანელთა გამანადგურებელი ანგარიშით დამარცხების შემდეგ მარსელო ვიეირამ Uefa.Com-თან ისაუბრა და კმაყოფილება ვერ დამალა...

"ამ საღამოს გუნდმა ბრწყინვალე მატჩი ჩაატარა, თავისუფლად შემიძლია ვთქვა, რომ ერთ-ერთი საუკეთესო დაპირისპირება იყო, რომელიც მახსოვს, გუნდმა ყველა დავალება ზედმიწევნით შეასრულა და შედეგმაც არ დააყოვნა."

"ძალიან სერიოზული უპირატესობა გვაქვს, თუმცა შალკეს პატივს ვცემთ და ნამდვილად ვერ ვიტყვით, რომ უკვე ხელში გვიჭირავს ჩემპიონთა ლიგის 1/4 ფინალის საგზური, რადგან წინ ბერნებეუზე პაექრობა გველის, სადაც გუნდი სრული კონცენტრაციით გავა მოედანზე."

"კელერს კარგი გუნდი ჰყავს, უბრალოდ მათ არ გაუმართლათ, თუმცა შემართება ნამდვილად არ აკლდათ. ჩვენი მიზანი გოლის გატანა იყო, თუმცა მოვლენები იმდენად კარგად განვითარდა, რომ მასპინძლებს ჩვენი თამაში შევთავაზეთ და პირველი გოლის შემდეგ ხუთჯერ ავიღეთ მათი კარი, თუმცა კიდევ ერთხელ მინდა ვთქვა, რომ "ველტინს არენის" მკვიდრთა აბუჩად აგდება არ შეიძლება, მათში დიდი ბრძოლისუნარიანობა დევს."