ასიერ ილიარამენდიმ ჩემპიონთა ლიგასთან დაკავშირებით კომენტარი გააკეთა...

"დამერწმუნეთ, მადრიდის რეალი შალკესთან დაპირისპირებაზე არ ფიქრობს, რომელიც ჩემპიონთა ლიგის ეგიდით გაიმართება."

"ვიცით, რომ 1/8 ფინალში შემთხვევით ვერავინ ხვდება და საკმაოდ ანგარიშგასაწევ ძალასთან გვიწევს პაექრობა, თუმცა მინდა გითხრათ, რომ პრიმერა დივიზიონში ძალიან დაძაბული სიტუაციაა, სადაც თითოეულ ქულას უდიდესი მნიშვნელობა აქვს, აქედან გამომდინარე მხოლოდ ეროვნულ ჩემპიონატზე ვართ კონცენტრირებული."

"როგორც კი "ელჩესთან" შეხვედრა დასრულდა, გერმანიაში ვიზიტზე ვიფიქრებთ, მანამდე კი ევროპის ყველაზე პრესტიჟული ტურნირი მეორე პლანზეა გადაწეული."

"ლა ლიგაში რთული შეხვედრა გველის, მეტოქის არაჯეროვნად შეფასება შესაძლოა დამღუპველი გამოდგეს, აქედან გამომდინარე მაქსიმალურ კონცენტრაციას ვცდილობთ და ვარჯიშებზე ბოლომდე ვიხარჯებით."

"ჩვენი მეტოქე პრიმერაში საშუალო დონის გუნდად ითვლება, ეს კოლექტივი ლა ლიგას სულ ახლახანს დაუბრუნდა და რა თქმა უნდა იბრძოლებს უმაღლეს დივიზიონში დასარჩენად. ვფიქრობ, მათ უფრო მაღალი მიზნების დასახვაც შეუძლიათ."