ესპანეთში გავრცელებული ინფორმაციის მიხედვით დედაქალაქური კლუბის პრეზიდენტი, ფლორენტინო პერესი ახალგაზრდა ბელგიელი მაკარის, კურტუას სამსახურით არის დაინტერესებული და ზაფხულის სატრანსფერო ფანჯრის დროს მოლაპარაკებების დაწყებას გეგმავს...

ას-ის ინფორმაციით პერესი მეკარის აგენტს დაუკავშირდა და ფეხბურთელის აზრის გაგება სთხოვა.

საქმეს ის ართულებს, რომ ბელგიელი ახალგაზრდა ლონდონის ჩელსის ეკუთვნის და ატლეტიკოში მხოლოდ განათხოვრების წესით ასპარეზობს, ჟოზე მოურინიო კი მომდევნო სეზონში კიპერის საკუთარ გუნდში დაბრუნებას გეგმავს.

ახალგაზრდა ამომავალ ვარსკვლავს "არისტოკრატებთან" კონტრაქტი 2016 წლამდე აქვს გაფორმებული, მას უდიდეს მომავალს უწინასწარმეტყველებენ, იგი მხოლოდ 21 წლის არის და 11 მაისს შეუსრულდება 22 წელი.

თავის მხრივ აქტიურობას არც "როხიბლანკოს" მთავარი მწვრთნელი, დიეგო სიმეონე აკლებს, მან უკვე სთხოვა ხელმძღვანელობას, რომ ყველაფერი გააკეთოს ბელგიელის შესანარჩუნებლად ატლეტიკოს აღმშენებლობის პროექტის ერთ-ერთი მონაწილე გახადონ.