მიუნხენის ბაიერნის მცველმა, ჰოლგერ ბადშტუბერმა განაცხადა, რომ გერმანული გიგანტის კონკურენტი ჩემპიონთა ლიგაზე მხოლოდ მადრიდის რეალი გახლავთ, რომელიც საკმაოდ სერიოზულ ძალას წარმოადგენს...

"არსენალთან თამაშმაც დაგვანახა, რომ ევროპაში ვდომინირებთ და ხოსეპ გვარდიოლამ აღებულ კურსს არ გადაუხვია, ის დიდებული მწვრთნელი გახლავთ, რომელმაც მიუნხენში ახალი იდეები ჩამოიტანა."

"მას შემდეგ, რაც ჰაინკესი წავიდა, ყველას ეგონა რომ ჩვენი გუნდი პროგრესს ვეღარ გააგრძელებდა, რადგან ყველაფერი მოვიგეთ, თუმცა ეს ასე არ მოხდა."

"ჩემპიონთა ლიგაზე ყველა გუნდთან აშკარა უპირატესობა გვაქვს, ჩემი აზრით წლეულს ბაიერნის მთავარი მეტოქე კარლო ანჩელოტის მადრიდის რეალი იქნება, სხვა გუნდებს არ შესწევთ კონკურენციის გაწევის ძალა."

"ბარსელონა ? ვგონებ, კატალონიელები შარშან უფრო ძლიერად თამაშობდნენ, ვიდრე წელს, ჩვენ კი მათი განადგურება მოვახერხეთ."