რობერტო კარლოსის თქმით, ჩემპიონთა ლიგის მეშვიდე თასს, მის ცხოვრებაში განსაკუთრებული ადგილი უკავია.

„ჩემი აზრით, ფაბიო კაპელომ მნშვნელოვანი როლი ითამაშა ფეხბურთის განვითარებაში.“

„მადლობა ღმერთს, „რეალში“ ტრიუმფალური კარიერა გამომივიდა.ასეთი კალიბრის კლუბში თამაში რთულია, თუმცა ზეედორფთან, კარამბეუსთან, რედოდნოსთან, იეროსთან, კანისარესთან, ილგნერთან, ბუიოსთან, პანუჩისთან, სალგადოსთან, მიატოვიჩთან და შუკერთან ერთად ასპარეზობა, გაცილებით მიადვილებდა ყველაფერს.თანაგუნდელების მხრივ, „ინტერშიც“ გამიმართლა და ეროვნულ ნაკრებშიც.მათი დამსახურებით ბევრი რამ ვისწავლე.ჩამოვყალიბდი პროფესიონალად და მებრძოლად.“

„მადრიდში გადასვლის პირველივე დღეს, „სიბელესზე“ მომიწია მისვლა, სადაც „თეთრები“ ტიტულებს ზეიმობენ.საბედნიეროდ, ნაცნობ შადრევანზე 9 თვის შემდეგ ისევ დავბრუნდი და პირველი თასი წარვუდგინეთ ქომაგებს.“

„გალაქტიკოს“ პერიოდი წარმოუდგენელი იყო.გულშემატკივრები მატჩის დაწყებამდე 2 საათით ადრე ავსებდნენ ტრიბუნებს, რათა საკუთარი თვალით ენახათ ზიდანი, რაული, ბექჰემი და სხვანი.ჩვენ ვთამაშობდით მათთვის, ოჯახებისთვის, მეგობრებისთვის და ასევე მილიონობით ფანებისათვის.“

„როდესაც „ბლანკოსში“ გადავედით, 10 წლის ბავშვივით გახარებული ვიყავი.ჩემს ოცნებას, მსოფლიოს დონის კლუბში თამაში წარმოადგენდა და თავისი ისტორიიდან გამომდინარე, „რეალი„ საუკეთესო ვარიანტი.თანაგუნდელებისგან მიღებული ცოდნით განვვითარდი.არასოდეს ვუსწრებდი მოვლენებს, მუდამ ნაბიჯ-ნაბიჯ მივიწევდი წინ.ნელ-ნელა პროგრეს განვიცდიდი და ვაანალიზებდი სამეფო კლუბის მნიშვნელობას.“

„იაპონიასა და კორეაში გამართულ მუნდიალზე მოგებული ტიტული დიდებულია, თუმცა ჩემთვის დაუვიწყარია ჩემპიონთა ლიგის მეშვიდე თასი.მადრიდელები 32 წელია ელოდნენ ევროპის ყველაზე პრესტიჟული ტურნირის მოგებას.ჩვენ „იუვენტუსი“ დავამარცხეთ და ამით ბედნიერები ვიყავით.“

DefensaCentral