ზინედინ ზიდანი, რომ სამეფო კლუბის ვარჯიშების დროს ძალიან ბევრ საქმეს აკეთებს, ამაზე თითქმის ყველა ფეხბურთელი საუბრობს, მაგრამ ფრანგი ლეგენდა ყველაზე მეტად კარიმ ბენზემას უყვარს, მადრიდელი შემტევი ზიზუმ არაერთხელ გამოიყვანა კრიზისიდან...

მიუხედავად იმისა, რომ კარიმს მადრიდში უკვე 100 გოლზე მეტი დაუგროვდა, მას ხშირად ატყდება კრიტიკა თავს, რადგან პირველ რიგში არასტაბილურობით, მეორე რიგში კი "ზანტობის" გამოირჩევა, რაც მის მთავარ ნაკლად არის მიჩნეული.

მიმდინარე სეზონში მადრიდელმა ფორვარდმა ერთი პერიოდი უკვე ჩააგდო, რამაც მისი სატადარიგოთა სკამზე გადანაცლვება და ალვარო მორატას სასტარტოში გამწესება გამოიწვია, თუმცა "მაშველი ზიზუ" საქმეს შეუდგა და წინახაზელი აზრზე მოიყვანა.

კრიზისის შემდეგ კარიმმა გოლების გატანა დაიწყო და იგი ბოლო დროს ხშირ-ხშირ ლაშქრავს მეტოქეთა კარებებს, რაც თავისთავად ფრანგი ლეგენდის დამსახურება გახლავთ, რომელიც თავდამსხმელს ყველა ასპექტის გაუმჯობესებაში ეხმარება.

გავრცელებული ინფორმაციით ახალ კონტრაქტთან დაკავშირებითაც მოლაპარაკებების პირველი რაუნდი ფეხბურთელსა და მის დამრიგებელს შორის შედგება, ისინი ყველაფერს აწონ-დაწონიან და საბოლოო დასკვნამდე მივლენ.

ბენზემას არაერთხელ განუცხადებია, რომ ზინედინი ისე ექცევა და არიგებს, როგორიც უფროსი ძმა უმცროსს.