გელზენკირხენელი ნახევარმცველი, შესანიშნავად ირჯებოდა "დორტმუნდის ბორუსიის" რიგებში წინა წელს და ერთ–ერთ წამყვან ფიგურად ჩამოყალიბდა. ასეთი საოცარი თამაშის შემდეგ, "რეალმა" გადაწყვიტა, ჩაბი ალონსოს შემცვლელად, გუნდოგანი მოეყვანა გუნდში, მაგრამ კლოპი გიოტცეს "ბაიერნში" გაშვების შემდეგ, კლუბის წამყვან ფიგურას ვერ შეელია და მტკიცე უარით გაისტუმრა თეთრების დელეგაცია. როგორც უცხოური საინფოორმაციო წყაროები წერენ, "ბლანკოსსა" და "ბორუსიას" შორის დაიდო პაქტი, რომლის მიხედვითაც ილკაი გუნდოგანი კლუბში ზაფხულში უნდა გადმოვიდეს, მაგრამ მისმა ტრავმამ და ექიმების დაუზუსტებელმა დიაგნოზმა, შესაძლოა ხელი შეუშალოს ტრანსფერს. შეგახსენებთ, რომ ფეხბურთელმა, 13 აგვისტოს მიიღო უმძიმესი ტრავმა და დღემდე ლაზარეთშია, ხოლო ექიმები გამოჯანმრთელების ზუსტ თარიღს ვერ ასახელებენ.

წყარო: marca.com