მადრიდის "რეალის" მთავარმა მწვრთნელმა მანუელ პელეგრინიმ "ციურიხთან" მატჩის შემდეგ განაცხადა, რომ ვერ ხედავას განსხვავებას მის გუნდსა და "ბარსელონას" შორის.

მანუელ პელეგრინი უმაყოფილო დარჩა გუნდის თამაშით ჩემპიონთა ლიგის მეხუთე ტურის მატჩში "ციურიხის" წინააღმდეგ "სანტიაგო ბერნაბეუზე". 1:0–მა გამარჯვებამ დააფიქრა მწვრთნელი.

"იმაზე ვღელავთ, რომ ეს არ არის ის თამაში, რისი ჩვენებაც გვსურს. ასეთი თამაში არ მომწონს. სხვა მხრივ საიმედოდ ვითამაშეთ დაცვაში. ჩვენ არ გვყოფნის კრეატიულობა, მობილურობა და ცოტა იღბალი. გვქონდა გოლის გატანის ბევრი შანსი, მაგრამ ვერ გამოვიყენეთ" – აცხადებს ჩილელი სპეციალისტი.

"სრულიად შესაძლებელია, რომ ეს ყველაფერი ბევრმა ზეწოლამ და კრიტიკამ გამოიწვია. კარგად ვთამაშობთ, მაგრამ ვერ ვაჩვენებთ სანახაობრივ ფეხბურთს".

კვირას "რეალს" ელის მატჩი "ბარსელონასთან".

"ბარსელონას" და ჩვენს შორის ვერანაირ განსხვავებას ვერ ვხედავ. უბრალოდ ისინი შეთამაშებულნი არიან. მხოლოდ ამით განსხვავდება "რეალი" "ბარსელონასგან" – განაცხადა პელეგრინიმ.


ინფორმაციის წყარო: Goal.com