მოგეხსენებათ, მადრიდის რეალი დღეს თანაქალაქელ ატლეტიკოს დაუპირსპირდება, შეხვედრა სამეფო თასის ეგიდით გაიმართება...

გამომდინარე იქედან, რომ "ბლანკოსის" ფეხბურთელებმა საკუთარ სანტიაგო ბერნაბეუზე უშუალო მეტოქე ნაცარტუტად აქციეს, მთავარ მწვრთნელს, კარლო ანჩელოტის განმეორებით შეხვედრაში ამოსუნთქვისა და როტაციის ჩატარების შესაძლებლობა მიეცემა, თან ცნობილი გახდა "როხიბლანკოს" განაცხადი, რომელშიც რამდენიმე წამყვანი მოთამაში არ არის შესული, ამის შემდეგ ექსპერტებმა ჩათვალეს, რომ სიმეონემ ფარ-ხმალი დაყარა და აქცენტი ლა ლიგაზე გადაიტანა.

დღეს დაცვის ცენტრში რაფაელ ვარანს ელოდებიან, რომელიც სასტარტოში უკვე რამდენიმე თვეა არ გამოჩენილა, ფრანგი მოთამაშის თერთემეტეულში გამწესება კარლომ მატჩისწინა პრესკონფენციაზე დააანონსა, ხოლო ვის შეცვლის ახალგაზრდა ნიჭიერი ფეხბურთელი ჯერ-ჯერობით უცნობია, ჭორების მიხედვით იტალიელი დამრიგებელი პეპეს დაასვენებს, რადგან პორტუგალიელი სერხიო რამოსთან შედარებით ასაკშია და თითქმის ყველა პაექრობის ჩატარება უწევს, რაც მის ფიზიკურ კონდიციაზე მოქმედებს, მწვრთნელს კი არ სურს სეზონის დასკვნით ნაწილს "სამიანი" დაღლილი შეხვდეს.

რაც შეეხება წინახაზელთა ტრიოს, გადაწყვეტილია, რომ კარიმ ბენზემა და კრიშტიანო რონალდუ სასტარტო შემადგენლობაში იქნებიან, ხოლო ვინ გაამაგრებს მარჯვენა ფლანგს უცნობია, ერთმანეთს კონკურენციას გარეთ ბეილი და ხესე როდრიგესი უწევენ, ეს უკანასკნელი ბოლო ხანს მეტისმეტად პროდუქტიულად თამაშობს და ყველა მნიშვნელოვან მატჩში ახერხებს მეტოქეთა კარის აღებას, უელსელი ვინგერი კი ვილიარეალთან პაექრობაში ლიდერად მოგვევლინა და ეფექტური დარტყმით გოლის გატანაც მოახერხა.

ისმის კითხვა BBC ( ბენზემა, ბეილი, რონალდუ) თუ BJC (ბენზემა, ხესე, რონალდუ) ? ამ კითხვას პასუხი დღეს საღამოს თბილისის დროით 23:00 საათზე გაეცემა.