სამეფო კლუბის კალათბურთელებემა, „კოპა დელ რეის“ 24-ე თასი, რომელიც „ბარსელონას“ დამარცხებით მოიპოვეს, ქომაგებსა და ქალაქ მადრიდის პირველ პირებს წარუდგინეს.

ადგილობრივი დროით 11 საათსა და 30 წუთზე, „თეთრები“ „ბერნაბეუსთან“ შეიკრიბნენ და მადრიდისტებისგან მილოცვები მიიღოს, ხოლო შემდეგ, ქალაქის მერიისკენ აირეს გეზი, სადაც მერმა ანა ბოტელიამ, სიტყვით მიმართა ბიჭებს: „ძვირფასო ჩემპიონებო, კეთილი იყოს თქვენი დაბრუნება სახლში.ჩვენ ძალიან ვამაყობთ ჩემპიონობით.დიდი სიამოვნება მივირეთ განვლილი 3 თამაშისგან, სადაც ლულმა სასწაულები გააკეთა.ასევე, ვულოცავ ნიკოლა მიროტიჩს, რომელიც ტურნირის საუკეთესო მოტამაშე გახდა.“

„მადრიდისთვის დიდი პატივია ასეთი გუნდის ყოლა.მადლობას გიხდით მოსვლისთვის და იმისათვის, რომ მთელს მსოფლიოში ჩვენი ქალაქის ელჩები ხართ.დარწმუნებული ვარ, სეზონის ბოლომდე კიდევ არა ერთ ტიტულს მოიპოვებთ.სიამოვნებით შევუერთდები მადრიდისტებს, რომლებიც რამდენიმე თვეში, „ენდესა“ ლიგისა და ევროლიგის ტიტულის ზეიმს დაიწყებენ“ - დაამატა ანამ.

„როგორც შეგპირდით, მშობლიურ ქალაქში თასით ხელში დავბრუნდით.ბევრი მიზეზისგან გამომდინარე, აღნიშნული ჩემპიონობა განსაკუთრებულია.გუნდი აჩვენებს განსხვავებულ კალათბურთს, სწორედ ისეთს, რომელიც დიდ მოწონებას იმსახურებს ქომაგებში.თვალისმომჭრელი თამაშის ფონზე, წარმატებულ სეზონს ვატარებთ.ხარისხიანი თამაშის, ნიჭისა და გულების შერწყმის წყალობით, „კოპა დელ რეის“ ფინალში პირველობა გვერგო“ - განაცხადა პერესმა, რომელიც მოთამაშეებს ღონისძიების განმავლობაში წინ უძღვებოდა.

„ჩვენს პრინციპებზე დაყრდნობით, კალათბურთელებმა ფინალურ პაექრობაში ბოლომდე იბრძოლეს.პაბლო ლასოს თაოსნობით, ბიჭები მომხიბვლელად და ბრწყინვალედ გამოიყურებიან.ორნახევარი წელიწადის განმავლობაში, მათთვის მეხუთე ტიტულია.არავის დაავიწყდება, რომ ეს უნივერსალური გუნდი მადრიდინაა.ვამაყობთ იმით, რომ საკუთარ მხრებზე, ქალაქის პასუხისმგებლობა გვაქვს აღებული“ - დაასრულა ფლორენტინომ.

„დიდი პატივია ტიტულის მშობლიურ ქალაქში ჩამოტანა.ვიმედოვნებ, მიმდინარე სეზონში გავაგრძელებთ თასების მოგება, რათა მადრიდისტების გულები გავახაროთ“ - დასძინა „რეალის“ ვეტერანმა კაპიტანმა, ფელიპე რეიესმა.

აღნიშნულის შემდეგ, ლასოს დარიგებულები მადრიდის საკრებულოსა და გუნდის სპონსორს ესტუმრნენ.