„კოპა დელ რეის“ ნახევარფინალურ დაპირისპირებაში, ლასოს შეგირდებმა ქართველებით დაკომპლექტებული „სარაგოსა“ არ დაინდეს.

მადრიდელებმა არც მეტი არც ნაკლები, 32 ქულიანი სხვაობით მოიპოვეს ფინალის საგზური - 98:66.მასპინძლებმა კიდევ ერთხელ აჩვენეს საკალათბურთო სამყაროს გუნდის თამაში კლასი.ზედიზედ 6-მა მოთამაშე მოაგროვა 10 ქულა და მეტი, ხოლო მათგან საუკეთესო, სერხიო როდრიგესი გახდა, რომელსაც ორმაგ დუბლამდე 1 ასისტი დააკლდა.

აღსანიშნავია, რომ თანაგუნდელებმა მხარი ვერ აუბეს გიორგი შერმადინს.ამ უკანასკნელმა 19 ქულასა და 7 მოხსნას მოუყარა თავი, რაც საკმაოდ კარგი მაჩვენებელია.

იხ.კალათბურთელთა სტატისტიკა:

მაშასადამე, როგორც გაირკვა, სამეფო თასის ფინალში, „რეალი“ და „ბარსელონა“ გაარკვევენ ჩემპიონის ვინაობას.ცნობისათვის, „ენდესა“ ლიგის მიმდინარე გათამაშებაში, დედაქალაქელებმა ერთხელ უკვე დაამარცხეს „კულეები.“