ლეგენდარულმა ფრანგმა ფეხბურთელმა, ზინედინ ზიდანმა, კარიერის უკანასკნელი ოფიციალური მატჩი "რეალის" შემადგენლობაში, "სანტიაგო ბერნაბეუზე", ვილიარეალის წინააღმდეგ გამართა და თვალაცრემლიანი დაემშვიდობა დიდი ფეხბურთსა და მადრიდულ ინჩადას.

დღეს ზიდანი კვლავ დაუპირისპირდება "ვილიარეალს," მაგრამ ამჯერად დამხმარე მწვრთნელის რანგში.

ზუსტად 8 წლის წინ, ზიზუ ფეხბურთელის ამპლუაში წარსდგა, "წყალქვეშა ნავის" წინააღმდეგ, სადაც "რეალმა" 3–3 ითამაშა.ფრანგმა თავური დარტყმით შეძლო გოლის გატანა და 80,000 მაყურებელი ფეხზე ააყენა."სანტიაგო ბერნაბეუს" შემდეგი პერფორმანსი ამშვენებდა, წარწერით "მადლობა ამ გენიისთვის".

ფრანგმა "ბლანკოსის" რიგებში, 227 მატჩი ჩაატარა და 49 გოლის გატანა მოახერხა.რაც შეეხება ტიტულებს, ერთი ჩემპიონთა ლიგის თასი, სადაც ისტორიული გოლი შეაგდო "ლევერკუზენის" კარში, 1 ევროპის სუპერთასი, 1 ინტერნაციონალური თასი, 1 ლა ლიგის თასი და 2 ესპანეთის სამეფო თასი.

გთავაზობთ გამოსამშვიდობებელი მატჩის ვიდეო ჩანაწერს



წყარო: Realmadrid.com