გთავაზობთ ალფრედო რელანოს ძალიან საინტერესო ჩანაწერს, რომელიც მან გუშინდელი მატჩის დაწყებამდე, რამდენიმე საათით ადრე გაავრცელა.

'' მე არ ვღელავ კრიშტიანოზე, მე მადარდებს იკერის ფაქტორი'' - ეს ჩემი მეგობრის სიტყვებია, რომელიც ''ატლეტიკოს'' გულშემატკივრობს. მისი არგუმენტი კი შემდეგი იყო : '' ატლეტიკომ მოიგო ბოლო ორი დერბი(მათ შორის სანტიაგო ბერნაბეუზე) ამ დროს რონალდო მინდორზე იმყოფებოდა, იკერი კი - განაცხადს მიღმა.(ბოლო 15 წელია მადრიდულ დერბიში ''რეალი'' დაუმარცხებელია, როცა სასტარტოში კასილასია. ) ამ 15 წლის მანძილზე სანი არასდროს ყოფილა რიგითი ფეხბურთელი, ხშირად სწორედ იგი განაპირობებდა წარმატებას. იკერის საოცარი თამაში ღამის კოშმარივით თავზარდამცემი გამხდარა ტორესისთვის და აგუეროსთვის. ის ითამაშებს დღეს და არა დიეგო ლოპესი, სწორედ ეს მადარდებს მეც. ''

კრიშტიანოსა და კასილასს სასიცოცხლო ფუნქციები აკისრიათ, თუმცა აბსოლიტურად განსხვავებულ ასპექტებში. ''ატლეტიკოც'' გაძლიერდა ბრაზილიერი დიეგოს არენდით აყვანის შემდეგ. დიეგო კოშტას ფაქტორი ცალკე განხილვის თემაა. მადრიდს ორი უძლიერესი გუნდი ჰყავს, მათი დაპირისპირება კი ამ პაექრობას დიდაქტიზმს სძენს.

ორივე გუნდს რთული ტესტის ჩაბარება მოუწევს განსაკუთრებით კი - ''რეალს''. მიმდინარე სეზონში მათ წააგეს ''ბარსელონასთან'' და ''ატლეტიკოსთან'', სან მემეში კი 2 ქულა დატოვეს. ანჩელოტის შეგირდებს ბრწყინვალე შანსი აქვთ ორ მატჩიან დაპირისპირებაში რეალური ძალა წარმოაჩინონ. კარლიტო შესაძლოა ცოტა შეშფოთებულიც იყოს რონალდოს უსახური თამაშის გამო, თუმცა მან გუნდის მოტივირება უნდა შეძლოს, რათა მომდევნო ეტაპზე გავიდნენ. დღეს დიდი დღეა, მსოფლიოს საოცარი საფეხბურთო საღამო ელის.