ატლეტიკოელი კოკეს განცხადებით, მის გუნდს შესწევს იმის ძალა, რომ მადრიდის რეალი მისსავე მოედანზე დაამარცხოს, თუმცა ეს გადამწყვეტი არ იქნება, რადგან ბრძოლა 180 მანძილზე გრძელდება...

"კოპა დელ რეი მნიშვნელოვანი ტურნირია ჩვენთვის, ძალიან გვსურს ამ თასის აღმართვა, შესაბამისად მწვრთნელი მუდმივად ოპტიმალურ შემადგენლობას ანიჭებს უპირატესობას ხსენებული ტურნირის ეგიდით გამართულ შეხვედრებში."

"გვსურს და შეგვიძლია კიდევ კარლო ანჩელოტის შეგირდების ბერნაბეუზე დამარცხება, თუმცა ეს გადამწყვეტი არ იქნება, ჩემი აზრით ყველაფერი კალდერონზე გადაწყდება, რადგან ბრძოლა 90 წუთში არ მთავრდება, პირველი შეხვედრა მატჩის ერთ ტაიმად შეგვიძლია მივიჩნიოთ, მეორე კი ერთ კვირაში გაიმართება."

"ბრძოლას ვაპირებთ და მისაღები შედეგი მხოლოდ მოგება იქნება, თუმცა არც უხვგოლიანი ფრე იქნებოდა ურიგო შედეგი, ამ შემთხვევაში საკუთარ მოედანზე უპირატესობით გავალთ."