დერბის წინ, „რეალისა“ და „ატლეტიკოს“ პრეზიდენტები მადრიდის მუნიციპალიტეტში შეიკრიბნენ.

ფლორენტინო პერესსა და ენრიკე სერეროს, მადრიდის მერმა ანა ბოტელიამ და ქალაქის სხვა თანამშრომლებმა უმასპინძლეს.

„მოგეხსენებათ, ფეხბურთი ცდუნებისა და შუღლის გაღვივევბის დიდებული საშუალებაა.„რეალმა“ და „ატლეტიკომ“ იციან, რომ სპორტის ეს სახეობა, უნდა აერთიანებდეს ადამიანებს და არა პირიქით.მადრიდული კლუბები მორიგ ნახევარფინალურ მატჩს გამართავენ.ეჭვგარეშეა, რომ ჩვენ წინაშე რთული ოპონენტია, რამეთუ თანაქალაქელები ჩინებულ სეზონს ატარებენ.„ატლეტიკოში“ ჩვენი მეგობრები არიან, მიხუედავად გუნდებს შორის დიდი მეტოქეობისა.ხვალ, გამარჯვებული ქალაქი მადრიდი იქნება, რომელიც ნამდვილად იმსახურებს მსგავს საფეხბურთო ზეიმებს, ევროპისა და მსოფლიო სპორტის განვითარებაში შეტანილი წვლილისათვის“ - განაცხადა პერესმა.

„მინდა, რომ მომავალი დერბით შესაბამისი პატივი მივაგოთ ლუის არაგონესის ხსოვნას.საქმე გვაქვს ადამიანთან, რომელმაც მთლიანად შეცვალა ესპანური ფეხბურთი.ვიმედოვნებ, ხვალინდელ დაპირისპირებაში, ფეხბურთელები fair play-ის პრინციპების სრული დაცვით ითამაშებენ“ - დაამატა ფლორენტინომ.

„დიდი იმედი მაქვს, კარგი დღე იქნება, როგორც სპორტისისთვის, ასევე ფეხბურთის მოყვარულებისათვის.მჯერა, რომ სტადიონზე მოსული ქომაგები, დატკბებიან ფეხბურთის ყურებით და უარს იტყვიან ყოველგვარ არეულობაზე“ - აღნიშნა „მატრასნიკების“ პრეზიდენტმა.

„როგორც მადრიდის მერი, ჩემთვის დიდი პატივია ასეთი დიადი კლუბების პრეზიდენტების მასპინძლობა.მინდა მოგილოცოთ, რამეთუ გამარჯვებული ყველა შემთხვევაში მადირული გუნდი იქნება.კიდევ ერთხელ ვუთანაგრძნობ ლუის არაგონესის ოჯახს.ვფიქრობ, არარსებობს უკეთესო შანსი მისთვის პატივის მიგებისა, ვიდრე ხვალინდელი დაპირისპირება.წარმატებებს ვუსურვებ პრეზიდენტებს, კლუბებსა და ქომაგებს.ვიმედოვნებ, გულშემატკივრები სიმშვიდესა და ურთიერთპატივისცემას გამოავლენენ დერბის დროს.დარწმუნებული ვარ, მოედანზეც წყნარად წარიმართება მოვლენები.“

RealMadrid.Com