საბოლოოდ გაირკვა დანიელე დე როსის საქმე. ის არ შეუერთდება მადრიდის "რეალს" ზამთრის სატრანსფერო ბაზარზე. ზაფხულშიც სურდა "სამეფო კლუბს" იტალიელის შეძენა, მაგრამ გუნდში ხაბი ალონსო მოვიდა.

როგორც ვიცით, "რეალი" დე როსის ვარიანტს განიხილავდა იმ შემთხვევაში, თუ ვერ შეიძენდა "ლივერპულიდან" ხაბი ალონსოს. ფლორენტინო პერესი რომაულ კლუბს და ფეხბურთელსაც დიდ თანხას სთავაზობდა.

თუმცა, "ბლანკოსმა" ხაბი ალონსო გაიფორმა და შეწყდა დე როსის შესახებ საუბრები. ბოლო დღეებია "რომას" სპორტული დირექტორი ბრუნო კონტი გამორიცხავს დანიელეს ტრანსფერს "რეალში". "დე როსი "რომაში" დარჩება. არ ვაპირებთ მის გაშვებას" – განაცხადა კონტიმ.

"რეალს" დე როსის გარდა ჰყავს ალტერნატიული ვარიანტები. ეს არის სესკ ფაბრეგასი – ლონდონის "არსენალის" კაპიტანი.


ინფორმაციის წყარო: Defensacentral.com