თითოეული მადრიდისტასთვის ნათელია, რომ ხესე როდრიგესი თვიდან თვემდე, კვირიდან კვირამდე, დღიდან დღემდე და ვარჯიშიდან ვარშიშამდე უმაატებს. ახალგაზრდა კანტერანომ თითოეული დედაქალაქელი ინჩასის გული დაიპყრო...

რაც არ უნდა გასაკვირი იყო როდრიგესი სწორედ მაშინ იტანს გოლს , როდესაც ეს "ბლანკოსს" ყველაზე მეტად სჭირდება. ესპანელმა ლა ლიგაში 3 გოლს მოუყარა თავი, პირველად მან დაუძინებელი მტრის, კატალონიის ბარსელონას კარი აიღო, ის შეხვედრა დედაქალაქელებმა 2-1 წააგეს, თუმცა კასტილიელისთვის "კულეების" წინააღმდეგ გატანილი გოლი მეტისმეტად მნიშვნელოვანი გახლდათ, მეორედ ხესემ ვალენსიასთან გაიბრწყინა, ის მატჩი რეალმა 2-3 მოიგო, 3 ქულა კი სწორედ როდრიგესის პროდუქტიულობას მიაწერეს, მესამედ კი ახალგაზრდამ ნუევო სან მამესზე გაიბრწყინა, როდესაც უმნიშვნელოვანეს დაპირისპირებაში ანგარიში გახსნა, თუმცა სამწუხაროდ ანჩელოტის შეგირდებმა კარის შენახვა ვერ მოახერხეს და ბასკებს დაუზავდნენ.

ამასთანავე აღსანიშნავია, რომ ხესე მეტწილად გასვლით შეხვედრებში იტანს. გარდა ზემოთხსენებული 3 გოლისა როდრიგესმა სამეფო თასზე 2-ჯერ დაამწუხრა მეტოქე გუნდის გულშემატკივრები, ხოლო ერთი გოლი პარისენჟერმენს გაუტანა დოჰაში, იმ შეხვედრას ამხანაგური სარჩული ჰქონდა.